Temba Travel

Vasbyt logo


KALAHARI VASBYT 2021

Slegs vir ouens wat in 2021 in gr 10 en 11 sal wees.

Ouens wat in matriek is sal net voorwaardelik aanvaar word.

BESPREEK NOU>>

Tel: +27 (0) 21 855 0395

Program vir die Kalahari Vasbyt 2021

29 Desember - Vertrek vanaf die O.R. Tambo Internasionale LughaweJy moet om 09:00 reeds op OR Tambo wees want die vliegtuig styg 11:00 op! (Wenk: As jy betyds inskryf en jou vliegkaartjie na OR Tambo so vroeg moontlik koop, gaan jy heelwat spaar.)

Daar moet nooit vergeet word dat die Kalahari Vasbyt nie 'n toeriste-uitstappie is nie. Dit is 'n strawwe kursus waarin jy baie lewensvaardighede opdoen en aanleer. Ons streef daarna om die perfekte bestemmings te vind waar hierdie opwindende dinge gaan gebeur.


29 Des tot 2 Jan - Victoria-watervalle: : Ons vlieg met British Airways van Johannesburg na Victoria Falls. Ons bly in die veld by ʼn skool met bitter min geriewe. Alvorens ons die Victoria-waterval besoek vir rekspronge (Bungee) gaan ons hier redelik lank vertoef terwyl ons onsself voor berei om ʼn sukses van die Kalahari Vasbyt te maak. Tydens die Vasbyt gaan jy van jou fobies ontslae raak en die eerste daarvan gaan waarskynlik vroegdag wees wanneer jy die 110 m reksprong aandurf. Bloukrans, in Suid-Afrika, mag die hoogste sprong wees, maar hier by Victoria Falls is dit soveel beter. Die nou kloof, borrelende water en die dou van die waterval dra alles by om die reksprong hier onvergeetlik te maak.


Alhoewel daar 'n ongeluk was waarin iemand lig beseer is, is ons absoluut oortuig dat die nuwe veiligheidsmaatreëls meer as voldoende is. Die Witwater ‘rafting’ is altyd ʼn hoogtepunt en is beslis ook deel van ons program. Die stroomversnellings onder die valle is die heel hoogste in die wêreld en ons gaan dit aandurf. Die “white water rafting” is altyd die hoogtepunt van die ontspanning op die Kalahari Vasbyt.

White Water Rafting
Bungee Vic Falls

 

In 2 uit 3 Jan - Chobe: - Dit is ʼn rustige dag. Ons gaan ons na die Chobe Nasionale Park naby Kasane in Botswana. Hierdie is pragtige wêreld en ons gaan een nag vertoef om al ons goed reg te kry en sommer net te ontspan.

3 uit 5 Jan - Savuti: - Ons doen eers 'n wildrit langs die rivier voordat ons na Savuti vertrek. Savuti is sonder twyfel een van die plekke in Suider-Afrika met die meeste wild.

5 uit 7 Jan - Khwai-rivier, Moremi: - Hier is ons binne die Okavango Delta. Khwai is my gunsteling kamp plek in die Okavango Delta en daarom bly ons twee nagte hier.

 

Sonsondergang by Chobe
Kamp Vuur


7 uit 8 Jan - Maun: - In Maun kry ons voorrade vir die res van die safari.

8 uit 11 Jan - Sentraal-Kalahari Wildreservaat: - Ons eerste dag in die Sentraal-Kalahari het aangebreek. Ongetwyfeld bereik ons hier die hoogtepunt van ons kursus. Dit is ook hier waar jy waarskynlik die naaste aan wilde diere sal kom. Dis nie net fisies nie, maar hier gaan jy agterkom wat dit beteken om in harmonie met die Skepper en die skepping te leef. Derduisende vlaktediere trek vanaf laat Desember tot April in Deception Valley saam en hulle word gevolg deur groot troppe leeus en ander roofdiere. Saans staan jy wag terwyl jou maats slaap. So bou ons vertroue in mekaar en ervaar ons die natuur.


10 Jan - Sentraal-Kalahari Roetemars: - Die roetemars is die hoogtepunt van elke Vasbyt-kursus en as jy nie fiks is of geestelik reg gemotiveer is nie, sal jy dit beslis nie voltooi nie. Tog hoef jy geen superman te wees nie. Jy gaan genoeg water en die regte kos kry om dit te vermag. Selfs ouens wat nog nooit aan sport deel geneem het nie, het in die verlede hierdie uiters moeilike avontuur geslaag omdat hul genoegsaam in hul eie uithouvermoë geglo het.

 

Giraffe

 

In 11 uit 12 Jan - Lethlakane: - Vandag se program behels ʼn kort rit tot by Lethlakane waar ons die Kalahari sand af spoel en ontspan na die harde roetemars. Ons berei egter terselfdertyd ook onsself, en ons bene, voor vir die laaste PT en laaste 3000 M.

 

roetemars gasbottel
Slaap in veld


In 12 uit 13 Jan - Khama Rhino Sanctuary: - Ons bly en doen ons laaste PT oefening in ʼn jeugkamp terrein, waarnaas word alles skoon asook reg maak alvorens ons die kwalifiserende PT af handel.

 

Sembad
Stoei by Khama

 

In 13 uit 14 Jan - Klein Kariba: Die reëls bepaal dat ons vanaand nog die finale tydtoets moet voltooi. Daarna kan ons lekker ontspan in die warmbaddens. Die glybane was in die verlede baie gewild. Veral omdat ons nie veronderstel was om na middernag daarop te wees nie.

14 Jan - Huiswaarts: - Ons ry tot by die O.R. Tambo Internasionale Lughawe, vanwaar jy terugvlieg na waar jy bly of skoolgaan. (Die terugvlug is ook ingesluit by die prys van die toer).