Temba Travel

EUROPA JIPTOER PROGRAM 2019

Toer saam met die mense met 27 jaar ondervinding

Tel: +27 (0) 21 855 0395
BESPREEK NOU>>

Program vir die Julie Jiptoer.

(Media 24, Die Burger, Beeld of Volksblad is nie betrokke by die toer nie)

 

 

Saterdag 15 Jun Vertrek: Bon voyage! Ons vertrek vanaf Kaapstad Internasionale lughawe na Doha om 13:20 aanboord vlug QR1370.

 

Sondag 16 Jun Amsterdam:Ons arriveer om 13:45 in Amsterdam. Ons gaan per trein na ons kamp. Jy gaan die middag bietjie kan ontspan. Vanaand eet ons aandete saam en daarna gaan besoek ons Anne Frank huis en die rooilig gebied.

 

Maandag 17 Jun – Amsterdam: Vandag besoek ons die Rijsmuseum waar jy Rembrandt se Nagwag kan sien. Ons gaan na die Van Gogh museum. Daarna besoek ons ‘n tradisionele Kaas en Klopse fabriek. Vanmiddag kan jy in die pragtige strate van Vollendam rondstap en miskien aan ‘n harringtjie kou. Hierna besoek ons die Windmeul dorp, Vanaand is jy af om Amsterdam op jou eie te verken.

 

Dinsdag 18 Jun - Amsterdam: 

Vandag kry jy ‘n fiets en jy kan Amsterdam op jou eie verken.


 

Woensdag 19 Jun – Amsterdam - Parys: Vive le France!  Vanoggend neem ons afskeid van Amsterdam en reis per bus na Parys. ‘n Stadstoer deur skone Parys gaan ons vanaand na wêreldbekende besienswaardighede soos die Notre Dame-kerk, Gustav Eiffel se toring, die Seine-rivier, en nog vele meer neem.

 

Donderdag 20 Jun - Parys:Et aujourd’hui, Bonjour paris!  Ons doen 'n stadstoer te voet van Parys waarin julle ook baie vrye-tyd gaan kry. Ingesluit: toegang tot Notre Dame en die Louvre museum. Vanaand eet ons by die Eiffel Toring en dit is altyd een van die lekkerste en opwindendste aande. Daar is reuse-grasperke en jongmense geniet dit altyd hier.
Ongelukkig mag die weer ons pootjie of die lang toue mag jou moedeloos maak. Normaalweg is daar genoeg tyd om ook die toring van binne en die omgewing van bo te bewonder. Begroot Euro 10 vir vervoer binne die stad.

 

 

Vrydag 21 Jun Parys – Lusern:Au Revoir, Paris!  Ons ry vandag per bus vanaf Parys na Switserland, tot in Lusern.


Saterdag 22 Jun- Lusern:Ons besoek aan Lucerne is daarop gemik om die geleentheid te kry om die pragtig Alpe en die mere tussen die Alpe te sien en te geniet. In Switserland gaan dit beslis nie in die eerste plek oor inkopies of geskiedenis nie. Dit gaan daaroor om die mooiste deel van die skepping te beleef. As die weer mooi is, is die hemel diep blou, die mere en die sneeu help alles om ’n volmaakte prentjie te vorm.


Vanoggend besoek ons berg Pilatus (opsioneel). As jy besluit om hierdie ekskursie deur te maak gaan jy met ’n boot op die mooiste meer vaar, voordat jy met ’n rat trein die bergspitse gaan besoek. Van daar gaan jy eers met ’n reuse kabelkar berg af en dan vir die laaste paar kilometer met ’n klein kabelkar of ski-lift. Vanmiddag is jy vry om ‘n bietjie uit te vind of Switserland se sjokolade regtig so lekker is soos almal sê.

 

Sondag 23 Jun - Lusern:Vandag besoek ons die St. Gothard Pass. Jy kry die geleentheid om Switserse koue te ervaar en een van die mooiste bergpasse ter wêreld te besoek. Die kort reis daarheen, die pragtige berge, mere en sneeu maak dit ’n wonderlik uitstappie. Ons sal namiddag vroeg in Lucerne wees sodat jy besienswaardighede soos die Leeu-monument kan besoek.

 

 

 

Maandag 24 Jun – Lusern – Vrydag 28 Jun Le Spezia: Ons ry deur die wêreld se langste tonnel die St. Gothard tonnel tot in Italië en dan al langs die middelandse see tot in Le Spezia ‘n hawe dorp langs die Italianse kus. Onderweg gaan ons deur meer as 200 tonnels en ongeveer oor net soveel brûe. Verseker is dit een van die mooiste roetes waarlangs mens kan ry op die ganse aarde.


Ons bly vir vier nagte baie naby die strand in 'n kampterrein met swembaddens, en sport aktiwiteite naby die see. Julle gaan vry wees om jou eie dag te beplan en te kom en te gaan soos wat jy wil, met baie min beperking.


Die strande is die speelplek van die wêreld se rykstes en ons gaan net lekker ontspan op die strande of jy kan die talle besienswaardighede op jou eie verken. Ons gee vir jou ’n boekie om jou daarmee te help.


La Spezia bied ideale ruskans na ons baie stappery in die groot stede.


Ons is net 80 km van Pisa af. Ons gebruik een van die dae om Pisa te besoek.

 

 

Vrydag 28 Jun – Sondag 30 Jun Le Spezia tot Venesië: Ons ry vroeg die oggend van Le Spezia af en besoek Floraans.
Ons kampeerterrein in Venisië is ‘n paradys vir jongmense.


Ons doen ‘n stadstoer (te voet) van Venesië. O sole mio - ‘n romantiese rit in ‘n Gondola is opsioneel. Vanmiddag is jy vry om al die gangetjies en stegies van Venesië te verken.


Wanneer daar nie wind is nie kan die muskiete deksels lastig wees in Venesië. Onthou om voorsorg te tref.

 

 

Sondag 30 Jun tot Woensdag 3 Jul Venesië tot Rome: Ons reis tot in die antieke stad Rome waar ons vir drie nagte vertoef. Rome is ‘n groot stad met baie besienswaardighede. Ons doen ‘n stadstoer. Die res van die tyd is jy vry om al die antieke wonders en ander opwindende plekke te besoek.


Rome is 'n onoortreflike stad met besienswaardighede en kuns wat oor baie eeue daar gevestig is. Nie teenstaande is dit ons verblyfplek wat die hoogste punte deur die meeste jongmense gegee word.


Daar is 'n swembad en kuiergat wat deeglik benut word. Op hierdie toer gaan jy baie vryheid hê en dit is veral in plekke soos Rome waar jy dit sal beleef. Dit is nietemin baie noodsaaklik dat jy ook sal verstaan dat daar perke is. Daardie perke word in die aansoekvorm skriftelik uiteengesit en ons sal beslis nie toelaat dat dit oorskry word nie. Dit is ongelukkig so dat die kuierplek in Rome ook tot botsings met die toerleiers kan lei.

 

 

Woensdag 3 Jul - Rome - Sorento:  Dit is nie ver van Rome tot Sorento nie en ons gaan onderweg by Pompeii stop. In die middag besoek ons eers die bouvalle van Pomeii voordat ons na ons verblyf in Sorento vertrek.

 

Donderdag 4 Jul Sorento - Capri: Die bootvaart na Capri is opsioneel, maar sodra jy daar kom is daar 'n groot verskeidenheid aktiwiteite waaraan jy kan deelneem. Jy kan die eiland te voet, met 'n Poegie of per Taxi verken. Julle kan 'n boot huur en om die eiland vaar. Dit sal jou die geleentheid bied om heerlik te swem en te duik in die warm water van die Mediterreense see. Die blou grotte van Capri is wêreld bekend en 'n besoek aan die grotte is altyd 'n belewenis.

 

 

Vrydag 5 Jul Sorento - Rome - Doha:  Ons laaste dag in Europa het aangebreek. Daar word afskeid geneem van Sorento en die hele Europa. Om 09:00 vertrek ons na die Lughawe by Rome en om 16:00 vlieg ons na Doha.

 

Saterdag 6 Jul Huis toe: : Ons arriveer in Kaapstad om 11:10. Hier neem ons finaal afskeid van ons nuwe vriende en die beste vakansie van ons lewens.